Día de Rosalía 2013

Con motivo do día de Rosalía, que se celebra o día 24 de febreiro, pero toca a domingo este ano, os nenos de Infantil e a súa profe do Ceip Plurilingüe dos Blancos crearon un Glogster. Pois anda coas novidades!
A ver se vos gusta.

Entroido 2013

Agora que estamos na época do Entroido, é interesante lembrar que o noso autor creou un grupo de teatro que se chamaba Antroido, aló polo ano 1974, con Xaquín García Marcos e tamén dirixe en 1975 o espectáculo Amor e crimes de Xan o Panteira, de Eduardo Blanco-Amor, no que participa tamén como actor. Un ano despois, chega Laudamuco, señor de ningures, aquela reflexión sobre as formas do poder tan próxima ao esperpento, que recibirá o Premio Abrente. A peza publicarase en 1977, canda as Ledaíñas pola morte do Meco.

Saludos aos nenos e nenas de Vilar de Barrio e que teñades ledo Entroido!

Roberto Vidal Bolaño, o noso autor para o ano 2013

A Real Academia Galega decidiu o pasado mes de xuño homenaxear  o presente ano 2013 ao autor Roberto Vidal Bolaño.

Aquí temos unha relación de ligazóns para ir traballando ou coñecendo a este famoso autor sobre todo de obras de teatro:

1.- A súa páxina na Wikipedia

2.- Unha obra de teatro cómica en Youtube dedicada ao apóstolo: “Oración ao Apóstolo”.

3.- A ficha do autor na Biblioteca Virtual Galega

4.- A súa ficha en Galegos.Info.

5.- A relación de obras nas que actuou como actor ou director na base de datos internacional de vídeos.

Ao longo do curso iremos vendo máis páxinas con actividades. Estade atentos!

Valentín Paz Andrade, a figura senlleira deste ano nas Letras Galegas 2012

Valentín Paz Andrade será a figura homenaxeada este ano no Día das Letras Galegas.

Como adianto para traballar sobre el, temos algunhas páxinas na rede, as cales á súa vez conteñen ligazóns diversas:

-A páxina de Valentín Paz Andrade

-Toda a información existente na Wikipedia

-O CRA María Zambrano

-Unha páxina de Cultura Galega

-Comentarios e vídeos na páxina da Radio Televisión Galega

-Unha breve nota da Real Academia Galega

-A súa ficha na páxina de Galegos.info

-A páxina do IES Valentín Paz Andrade

-A ficha da Asociación de Escritores en Lingua Galega (AELG)

-O Seminario Galán, que elabora cadernos de actividades coa figura homenaxeada cada ano.

Contos para Samaín

Nenos e nenas de Blancos e Vilar de Barrio, este é un conto que se vos recomenda para ler nestas datas do Samaín....

TÍTULO: A pantasma

Colección: O baúl dos monstros

Editorial: Baía Edicións

O conde de Lemos necesita unha pantasma que coide do seu castelo e traia o seu demo de fillo ó rego. O candidato perfecto resultará ser un inquilino do máis lambón e rabudo.

Respostas adiviñas sobre LOIS PEREIRO (2)

O nome do amigo de Lois Pereiro é Francisco Salinas Portugal.

As partes do corpo que aparecen na poesía son:
-Eyes= ollos
-Face= cara
-Eyelids= párpado

Adeviñas e preguntas sobre Lois Pereiro

-Di o nome dun amigo de Lois Pereiro, poeta, que ten un apelido igual ao nome dun país que limita con España.

(*Premede aquí e o veredes)

-E como andades de inglés? A ver cantas partes do corpo –polo menos tres, e en inglés, of course, amiguiños- atopades neste poema de Lois Pereiro traducido ao inglés.

(*Aquí é o sitio bonito onde o atoparedes)

Xan o cazador (I)

Érase unha vez un neno cazador que se chamaba Xan e estaba cazando coellos no monte. De súpeto escoitou cómo choraban os carballos que había naquel bosque onde estaba a cazar. Intranquilo, foi e preguntou:

-Por que chorades?

E as árbores responderon:

-Porque polas noites vén o xabarín a destrozar as nosas raíces e non nos deixa medrar. Levamos xa sete anos así, e non hai quen acabe con eles. Témonos queixado aos gardas que coidan isto, pero non nos fan caso, din que os xabaríns tamén viven no bosque e teñen dereito a comer…

E Xan díxolles:

-Non hai problema. Pero tedes que dicirme a que hora veñen os xabaríns para podervos botar unha man.

Resposta ás preguntas de Lois Pereiro (1)

A resposta da primeira pregunta é: Náufragos do paradiso.

A resposta da segunda pregunta é que foron publicados na revista que foi dirixida por Manolo Rivas. A revista chamábase LUCES DE GALIZA.

Moi ben nenos e nenas do Blancos, sodes uns auténticos cazatesouros pero nos vos esquezades de agora vos toca a vós facernos as preguntas, estamos esperando..........

Primeira adiviña sobre LOIS PEREIRO

Buscade nun dos dous enlaces que vos adxuntamos, a resposta a estas dúas preguntas:

Como se titula a novela que deixou inacabada, e da que só escribiu oito capítulos?

Onde foron publicados anteriormente eses 8 capítulos?

http://www.diadasletrasgalegas.com/homenaxeado/lois-pereiro_2011

http://www.prazadasletras.org/letras/autores/autor/246/lois-pereiro

Eu chorei, chorei

Nenos e nenas da India interpretan cancións en galego.

Nenos e nenas dunha escola na India interpretan "Eu chorei, chorei".Son nenos e nenas da escola María Soliño en Pubai-Orissa (India), financiada pola ONG "Shanga India" cantan "Eu chorei chorei" nun perfecto galego.

Máis ligazóns para o Día das Letras Galegas 2011.

Atopamos outras ligazóns interesantes:

1.- Páxina do Seminario Galán. Nesta atopamos documentos, actividades e fotos do autor galardonado. Levan anos confeccionando material para o Día das Letras Galegas, e paga a pena ver o que teñen feito.

2.- Neste blog, Econenos atopamos un libro LIM con actividades on-line sobre a figura de Lois Pereiro.

3.-

. Aquí temos un vídeo de quince minutos sobre Lois Pereiro e a súa vida.

4.- Algúns poemas recitados por el. En Radiofusión atopamos algúns poemas recitados polo propio Lois Pereiro.

E iso é todo ata o momento.

Lois Pereiro-Un dos autores dos anos oitenta, homenaxeado este ano 2011

De Lois Pereiro, ou máis ben Luis Ángel Sánchez Pereiro, o seu verdadeiro nome, apenas sabemos algunhas cousas.

Que naceu en Monforte de Lemos, procedente do Incio. Estudou nos Escolapios, e comezou a escribir con 15 anos. Tralo COU marchou a Madrid, onde fixo algo de Ciencias Políticas e Socioloxía. Tempo máis tarde, tras dunha estancia en Monforte, regresa a Madrid, para estudiar idiomas. Alí fundou a revista Loia xunto a Antón Patiño, Manuel Rivas e o seu irmán Xosé Manuel Pereiro.

De volta en Galicia, vive no 1981 na Coruña, onde se une á revista la Naval. Aquí coñece a outros poetas como Xavier Seoane, Francisco Salinas Portugal ou Xulio Valcárcel, participando en diversas antoloxías (De amor e desamor (1984) e De amor e desamor II (1985)). Na revista Luzes de Galiza, publicou os primeiros capítulos dunha novela non rematada, Náufragos do Paraíso.

Entre 1983 e 1987 traballou como tradutor do alemán francés e inglés de dobraxe de cinema.

Publicou dous poemarios en vida, Poemas 1981/1991 (1992) e Poesía última de amor e enfermidade (1995). Morreu no 1996.

Ligazóns:

*FICHA DO AUTOR NA BIBLIOTECA VIRTUAL GALEGA

*PÁXINA WEB DEDICADA A ESTE AUTOR

*ADIANTO DUN DOCUMENTAL SOBRE ESTE AUTOR EN YOUTUBE

*PAXINA DO DÍA DAS LETRAS GALEGAS DEDICADA A EL

Uxío Novoneyra 2010

Este ano temos a Uxío Novoneyra na lembranza. A el se lle dedica o Día das Letras Galegas deste ano.
Dende aquí preme nas ligazóns para acceder a varios recursos existentes na web:
1.-Páxina do homenaxeado.
2.-Coordinadora dos equipos de normalización lingüística.
3.-Páxina correspondente da RAG.
4.-Páxina de Galicia espallada.
5.-Seminario Galán.
6.-Un roteiro do lugar onde viviu.

Letras Galegas 2009

Deixamos este vídeo sobre Ramón Piñeiro, realizado polos colexios CPI San Vicente de A Baña e o CPI dos Dices de Roi

Máis adiviñas de libros

E xa que estamos co asunto dos libros, ¿cal é o título dun libro do Alvarez Blázquez impreso en 1976 pero escrito entre 1951 e 1953?

¡O marciano de San Mamede en Os Blancos! (e VI)

Cando chegaron a Os Blancos, os nenos de alí agardábano impacientes. Todos os nenos de Os Blancos fóronlle ensinar o seu colexio, pero como aínda non tiveran tempo de presentalo a todos, a xente dos Blancos colleulle moitísimo medo e todos se meteron rapidamente nas súas casas. No colexio os nenos levárono a unha aula na que lle ensinaron o acento galego, e cando xa sabía bastante os nenos dos Blancos levárono por todos os pobos do concello para presentalo á xente, e empezaron a dicirlles que era bo e que podían falar con el pois sabía falar en galego.
E Nazan coñeceu ós pais e nais dos rapaces, e pouco a pouco foron amigándose máis con el, todos lle dicían: "Ola, que tal estás, Nazan", ou "Como che vai o día", e el respondía: "Pois por agora ben, ¿e ti?" Daquela os seres humanos respondíanlle: "Ben".
Chegou por fin un día de feira e Nazan estaba moi nervioso, case todos lle dicían: "Que che pasa, Nazan?" Pero el non contestaba. Dicían: "Contesta". E Nazan daquela falou: "Estou moi ner… nervioso. É porque vou coñecer a moita xente descoñecida". "Pois iso non é nada, non te preocupes". Aquel día foi a primeira vez que ía á feira, pero Nazan disfrutou moito, aínda que había moita xente sorprendida de velo por alí.
Pois o certo é que agora Nazan está nos Blancos, e vai á escola cos nenos e nenas de alí.

UNHA NOVA ADIVIÑA

Xosé María Alvarez Blazquez compuxo co seu irmán Emilio poemas, que se recolleron e editaron en 1949 nun libro que se titula.... (Adiviña o seu título)

CATI, CARLOS, NATI e BRUNO dinvos que se titula "Poemas de ti e de min". Un saúdo.

O MARCIANO DE SAN MAMEDE (V)

Ó ver a nave... trataron de acercarse. Cando estaban chegando a ela, o marciano e os nenos asustáronse e premeron o botón de "despegar", sen saber a onde dirixirse nin qué facer
Cando pasaron por Vilar de Barrio fixeron unha parada e puxeron letreiros por todo o pobo para convocar unha reunión de veciños.
Ó día seguinte, na xuntanza, contáronlle a todos a verdade do que acontecera, porque non querían seguir ocultando a Nazan nin enganando ós pais. Todos entenderon a postura dos nenos e permitiron que seguiran sendo amigos del e que lle axudaran coas súas clases de galego; incluso, entre todos lle acondicionaron o local das escolas vellas que estaba ocupando, porque definitivamente se convertiría na casa de Nazan.
Os nenos e nenas de Vilar de Barrio, que se comunicaban con frecuencia cos de Os Blancos a través de internet, mandáronlle un correo electrónico contándolles que agora xa non tiñan que esconder a Nazan, que todos o aceptaban e tamén lles falaron dos seus progresos no aprendizaxe da nósa lingua.
Ós de Blancos pareceulles estupendo e faláronlle da posibilidade de facer o mesmo en Blancos, presentárllelo a todos e que pasara a ser un novo amigo, tamén da cente de alí.

Sobre os videos

Lamentamos dicirvos que no noso concello, mentres Doña Telefónica non instale o ADSL ("Aparello Dixital Sempre Limitado") non podemos ver apenas os videos do Youtube que nos puxestes, estamos afastados da tecnoloxía máis moderna. Pero algún de nós seguro que os verá dende Xinzo ou outro lugar onde Doña Telefónica si ten acceso máis rápido.